琦子餅雜記

2012年2月15日星期三

奧蘭多十一天夢想成真之旅 ~ Day 2 (下)

Hollywood Studio的巡遊唔算好大型，不過d公仔及花車都好靚，而且個theme係我好鍾意的Pixar公仔 (仲有Lotso!!!)，我覺得都好好睇！巡遊大概20mins，我地大半個鐘前找位都霸到地標魔法帽前面的位置，所以睇得好清楚，good！

睇完巡遊3點幾，過去the Magic of Disney Animation度la！呢個係室內area，有幾個地方排隊和d特別的公仔影相，之前見d blog話有Lotso的公仔，點知行左個圈都見唔到，問職員先知因為Winnie the Pooh套戲就上畫，所以沒左Lotso轉左Winnie，好失望！唔係Winnie唔好，但係成日有得影ma！沒辦法，照和Winnie the Pooh影相la！仲見到超人特工隊，和最特別戴住魔法帽著住魔法袍的米奇，我在其他disney未見過呢！好多人排左好耐隊！乖乖地排完隊就去同一area的attraction Voyage of the Little Mermaid睇show，個show係用真人和效果重演番小魚仙的故事，其實幾得意，但玩左成日好攰，仲要d位好舒服，搞到個個瞓晒。。。

睇(瞓)左十幾分鐘就睇完lu，叉左電就玩今年翻新過的Star Tours。以前在日本玩過，不過呢個Orlando的加強版好玩好多！其實係動感影院，要戴3D眼鏡，d場景靚左，又郁得勁d，好逼真。個game有30幾個場景，每次玩都唔同，不過沒時間玩多次！因為要去霸位睇大show Fantasmic la！

Fantasmic係Hollywood Studio的大show，唔係每日都有，做1-2場。近Christmas呢排差唔多晚晚做2場，分別係6:30和8pm。它係室外圓形劇場，我地諗住睇6:30呢場，個場雖然大，但一早知呢個係好popular的show，已徑5點半到左threatre，點知都要坐到最最邊的位，遲5分鐘入場就要企la！個show其實係水幕+真人+特技，果然係皇牌show，好大型好details好特別，第一次睇咁樣去表演個story出來的show，d character和水幕又combine得好，好好睇！！！最impress一幕係魔法Mickey在小山上面，一個煙火放出來就唔見左它，而立刻在地面爆番出來，好得意！真係一個好大的製作，要早咁多入場等都抵晒，好值得睇的1個show！Tokyo個disney sea都有呢個show，但場地所限我估沒咁大型lu！

睇完好精彩的show先7點，散場時先發現排8pm個場的人龍多到好誇張，仲有1個鐘先開場，條人龍已經由最入的劇場排到中間的魔法帽la，好多人，唔好話要企，入唔入到場都成疑問la！即刻好慶幸我地睇第一場，如果唔係肯定排到飛起！

跟住吃dinner la，揀左ABC Commissary，呢度d quick service都裝修得好靚，好似西餐廳！食左咖哩雞飯、Angus Burger with Shrimp和Fish and Chip，仲有Chocolate mousse做dessert，又食到好飽la！！！

食飽飽就去睇埋The Indiana Jones show，呢個唔同東京和加州係ride，係一場扮重拍Indiana Jones的show，仲找左d觀眾做老臨，其中有媒架！個show都ok，只係長左少少有d悶，哈哈！

要去睇另一個大型activities，呢個係Christmas時先有的special event 叫The Osborne Family Spectacle of Dancing Lights，個special event好受歡迎，一到夜晚就好多人等亮燈個一刻，個area長期人山人海！其實只係燈飾，不過disney整得好靚，將成個Streets of America的area全部加晒五光十色的燈，每半個鐘會熄燈再有亮燈環節，又不停播Christmas的歌，真係靚得好緊要，仲好有Christmas氣氛，good！

睇完靚靚燈飾再去玩多次Toy Story Mania la，咁夜都仍然咁多人排隊，好彩有之前拿左Fast Pass啫。不過已經係Magic hour時間，有Fast Pass都要睇房卡先俾入，Fast Pass唔駛15mins就玩到lu，玩多一次仍然係咁好玩！

玩完都11點，經過The Great Movie Ride沒人wor，玩埋呢個game！它係坐架車入去睇d電影的經典場景，有槍戰有劇情，幾好玩有驚喜！

個ride成20分鐘，出來已經11點半lu，雖然Magic hour可以去到凌晨1點，但大家都好攰，想玩的attraction又玩晒，都係返酒店休息lu！

等左一陣shuttle bus，成12點幾先返到房，拿拿聲沖涼瞓覺，明天又要早起身，要再戰另一個樂園la！

2012年2月11日星期六

奧蘭多十一天夢想成真之旅 ~ Day 2 (上)

Day 2 Hollywood Studio

昨晚掛住d行李，瞓得唔太好，到6點幾有人按門鐘，開門見番晒我地d行李，終於放下心頭大石，可以開始玩la！第一日正式入disney world，鎖定今日全日玩Hollywood Studio，貪佢有magic hour 9:30pm 到12:30am。Magic hour係住係園內酒店的另一個好處，每日都有特定的theme park會有magic hour早一個鐘開門or遲三個鐘關門，只係俾持有園內酒店房卡的住客玩attraction，其他人只可以行下影下相，個人經驗magic hour (尤其早入場個part)玩attraction係可以排少d人，尤其for一d熱門的attraction，真係好有用架！今日Hollywood Studio開9am，不過早左起身，就早d出發去排隊入場lu。每一間disney resort都有shuttle bus車住客到4個theme park、2個water park和disney downtown。未夠8點就去到shuttle bus station等車到樂園，可能今日有magic hour，已經有好多人等車la！Pop Century比較近Hollywood studio，10mins車程就到lu！一落車已經很興奮，到左全世界最大的disney world la，之前淨係去過東京個2個disney park和香港個park，唔知美國呢個有d乜嘢唔同呢？

近Christmas，4個theme park都有不同主題的聖誕樹，Hollywood Studio呢個係電影的菲林佈置！

仲有成大半個鐘先入場，已經好多人排緊隊la！

唔駛9點就放入場，原來只係入園內排隊，這時睇下你想玩邊樣la，園內3大熱門attraction分開兩邊，Toy Story Mania係一邊排隊，Tower of Terror和Rock n Roller Coaster另一邊，我地唔玩刺激嘢，緊係排Toy Story la！密密麻麻都係人，大家向著同一方向，預備一開門直衝Toy Story Mania！其中有人在stage度講下嘢搞下氣氛，預備倒數，衝呀！！！

人多行得慢，到左Toy Story Mania已經要排70mins la！Fast pass條龍都好長，果然係超人氣attraction！唯有照排Stand-by，好彩排隊區七彩繽紛，好大好靚又多嘢睇，果然Orlando地大，連排隊區都大好多！行下影下相，大約50mins有得玩啦！

呢個game真係要介紹下，佢係巴斯光年game的advance版，雖然只係3D射擊遊戲，但比巴斯光年好玩好多，好似係真人入左遊戲機中打機一樣，戴上3D眼鏡，坐上車，穿梭不同的畫面射擊攞分，好真實，好玩！好好玩！十個好玩！怪唔得係其中一個最受歡迎的game la！我地一致認為係disney world入面最好玩的attraction！玩完出來大約10點，Fast pass已經去到夜晚la！趁沒咁多人排，即刻攞張Fast pass夜晚再玩過！

見對面Character greetings唔算超多人，排隊和胡迪和巴斯光年影相！排完隊差唔多要去睇一日得三場的大show Lights! Motors! Action! 我地排Toy Story時有職員派呢個show的surprise fast pass，最初諗個場咁大都沒乜用，原來可以比其他人快d入場揀位，所以都揀到個正中的位置！

坐定定，開show la！個show係講d飛車特技點拍的，中間仲有McQueen出場，場面好大又飛車又玩火，除左中段解釋個拍攝時有少少悶，其餘都好好睇！我仲知道左點樣拍倒後飛車 tim，哈哈！

睇完show 12點，夠鐘食lunch la！諗唔到食乜，行到去Tower of Terror附近的Fairfax Fare，見到有Ribs好吸引，雖然室外地方，但天氣好涼爽，就呢間la！叫左2份1/2Ribs&1/2Chicken及一份豬肉包，好飽呀！個Ribs好食，不過雞太鞋食唔到。。。

食飽飽就去睇下Backlot tour。之前對呢個tour好大期望，好似好好玩咁！首先要聽佢地講下野，好似係講d場景，跟住就排隊上一架火車去睇幕後製作la！

架火車會經過好多場景，包括道具房、繪畫、製片等地方，之後到左一個山頭，模仿地震、仲有火和洪水，好逼真！

回程時就經過好多大型道具，有飛機、火箭、汽車等等，仲包括之前Lights! Motors! Action! 個show用到的道具車！

個tour total用左超過半個鐘，其中個小段模擬洪水來襲幾得意，但大部份時間去參觀d片場的物品就比較悶，當休息一下啦！都係期待第日去LA個Universal Studio個Studio tour應該好玩好多！跟住去隔離怪獸公司的character greetings，不過只有單眼仔，沒阿毛，照影！

影完相2點幾，要霸位睇3點巡遊la！

2012年2月9日星期四

奧蘭多十一天夢想成真之旅 ~ Day 1

Day 1 香港 - 芝加哥 - 奧蘭多

期待已久的trip出發la！第一日差唔多全部在飛機上渡過，由於時差關係，到美國都只係同一day呢，哈哈！長途機我都係prefer搭國泰，雖然依家d位唔可以移後，瞓覺辛苦左，但有個人電視多野睇，飛機餐又啱食d。。。預備登機lu！

晚餐有叉燒飯吃，仲有Haagen-Dazs雪糕，good！

成架機有9成係外國人，好有旅行feel，至少唔會撞口撞面都係香港人呀！瞓下覺睇下movie，食埋個早餐，搭左十幾個鐘機終於到芝加哥la！有三個鐘轉機，第一次入境美國，最初好驚美國入境麻煩，好好彩關員好nice，好快就過關拿埋行李。到terminal 3 準備搭AA內陸機，個terminal大很多，見有時間去行下，臨近Christmas，已經有好多聖誕的裝飾la！

又再搭多兩個幾鐘機，終於到Orlando la！親身踏足呢個夢想的主題樂園城市，好興奮！尤其一落機已經見到disney和universal studio的shop，更加好期待！不過落機已經夜晚七點，都係快快搭車去disney la！住disney的resort有一個好處，就係有免費的Magical Express由機場車你到resort，而且唔駛自己拿行李，只要到magical express的counter show 你個luggage tag，佢地就會幫你在行李帶collect行李並送到酒店房，係未好方便呢？哈哈！

急急腳行到magical express counter，show我的booking資料，record埋luggage tag，就去6號線等車la，當時已經有d奇怪，明明有咁好的luggage service，點解咁多人會自己拿行李呢？睇落去就知lu。。。

搭左差唔多45mins，就到我地會住9晚的Pop Century Resort！由於之前已經做左online check in，好快就拿左每人一張房卡，呢張房卡好緊要，入場門票和食飯的dining plan都靠佢la！仲拿埋through另一間agent訂的universal studio和legoland的ticket，就上房la！之前做research知道間hotel好大，所以一早request左近transportation的房，果然住到90年代，唔駛幾分鐘就行到去shuttle bus車站，而且住地下，之後玩樂園時就知好，玩到勁累時唔駛行樓梯就到房，十個good！！！入到房即刻周圍睇下，雖然係disney resort內的value hotel，但好乾淨又唔算細，都唔差過香港間hollywood hotel呢！d床單和地氈都有mickey公仔，周圍影下相，仲見到2隻由毛巾摺的公仔，好cute呀！

搞搞下都8點幾，好肚餓la，去Pop Century的food court用dining plan食dinner lu，我的quick service plan每日2餐，每餐包一個main course+dessert+drink，由於園內消費好貴，個plan就算要俾錢都抵，何況依家免費呢？食左pizza、三文魚扒、蝦炒麵，仲有cheese cake，個蝦炒麵最好食，估唔到來到外國都食到中國式食物，哈哈！個plan仲包每人一個refillable mug，可以無限refill food court的飲品，我地每日朝早一定會去斟嘢飲，仲有熱水，早知唔駛帶我個電水壼la！

食飽飽就在resort周圍行下影下相lu，因為之後每日的行程都好趕，所以第一日就用夜晚參觀下resort。雖然Pop Century沒All Star Movie有胡迪和巴斯光年，但都有唔少公仔，天氣又涼爽，行下行下都有個幾鐘！Resort好貼心，寫晒每一個theme park的開門及關門的時間呢！

返到房已經10點幾，仲未見行李。等到11點幾都未見d行李，唯有打去disney resort 的luggage service問下la，點知佢地好唔helpful，一check到沒收過d luggage就叫我自己打俾AA，問左AA 的service hotline2次，又話唔見左行李要填claim form，又話在orlando airport沒人拿叫我問番disney，luggage service又話沒我地行李要我自己和AA傾，攪左好耐又問AA又問luggage service都唔知d行李去左邊，當時我地好無助，全部衫褲個人物品和叉電器都係行李度，唔見左真係十個煩！諗定聽日要改變行程去Wallmart買日用品架la！後來唔再信luggage service d人，打去pop century找front desk manager，她雖然收左工都即刻覆我，仲好好人幫我follow up with AA，先攪清楚原來AA 錯左下一班機先deliver我d 行李，所以midnight先到d行李仲係機場，她promise係第二日早上七點前會送番d行李到我房，仲找人拿左d清潔用品俾我地用，雖然搞到凌晨2點，但終於知道d行李係邊個人安心晒，又唔駛影響第2日的行程！我明白點解機場咁多人會自己拿行李啦，我知道delay左行李唔係disney錯，只係點解disney resort 的luggage service明知我有行李又collect唔到，都唔通知我地呢？而且打去時又唔幫我follow up，等我問完又叫我自己和AA liaise個行李delivery，另我對disney的service好失望！幸好Front desk manager的貼心service為disney挽回不少分數！所以Magical Express係好用，不過如果有問題就比較麻煩lu^^

奧蘭多十一天夢想成真之旅 ~ 前言

一向夢想踏足全世界Disney的琦子餅，沒諗過咁快可以夢想成真！因為日本大地震，搞到熱愛日本自由行的我唔敢去住，上年去過歐洲，又從來未踏足美洲，不如去美國la！原本諗住跟團去左加州的Disneyland先，話晒美國先去西岸再去東岸ma。估唔到國泰五月忽然出左直航芝加哥+轉機去Orlando的promotion，在聖誕節前出發都係around 萬一蚊連稅，所以立刻買左機票，plan行程主力全世界最大的Disney，夢想成真了！！！

買左機票雖然仲有半年先出發，但我在christmas前出發，係超級high season，當然先book酒店la。Orlando有全世界最大的Disney，話明係Disney World (其他只係disneyland)，淨係theme park都有4個，園內酒店有20幾間，由於有free shuttle from/to airport和到theme park，所以一早已決定住園內酒店。不過由於大旺季關係，酒店比平時貴了很多，所以鎖定最平的value hotel 系列，一直在All star Movie Resort和Pop Century Resort之間搖擺不定，一間有胡迪和巴斯光年大公仔、一間新好多，最後新酒店勝，決定住Pop Century la！雖然係園內最平的hotel，每晚都要千八蚊，好貴呀！好彩到出發前2個月到出左free quick service dining plan 的option，即刻打去轉booking，同一價錢free左quick service plan，每日每人有2個快餐和2個小食，出左2日就full左我住個幾日la，好開心！！！

第一次去美國，又驚入境麻煩，自由行人生路不熟，不斷睇forum睇blog，特別多謝車厘子個blog有許多orlando的useful info，修改了很多次行程，臨時加入十月新開的legoland，計劃左半年，終於向期待好久的Orlando進發啦！！！