琦子餅雜記: 5月 2007

2007年5月25日星期五

2003 衝出亞洲 - 英國30日暑假語文團 ~ 蘇格蘭篇

在英國的第三個星期，我地向大學請了兩日假去一個short trip。原本我想去法國，可是似乎不太受歡迎，由於大部份同學均想去蘇格蘭，所以最後拍板去蘇格蘭遊玩了。星期五一大早就到King Cross Station，搭了6:45am的火車到愛丁堡。隨着火車緩緩駛出，正式展開了四日三夜的蘇格蘭Scotland之旅！搭了四個多小時火車終於到達愛丁堡，第一站先到了Royal Yacht，這艘船為查理斯和戴安娜渡蜜月之船，現在就泊在海邊供遊客入場參觀。在甲板上到處都可看見英國國旗，而且可能近海，船上很大風，所以只拍了幾張照片便入了船艙。艙內為展覽館，主要是查理斯結婚照片等，不得不嘆一句物是人非了。。。

接着行到海邊，沿途看到一大片草地，好多羊在吃草，十分和諧。到海邊後望到的是一望無際的海，行行拍拍，很快便到黃昏，唯有回去下榻的Youth Hostel了。

第二天又是一早起床，因為報了Local的兩日一夜Highland Tour。到了集合地點，人不是太多，全團約二十人，由一位Scottish的靚仔tour guide帶領，正式出發了。在旅遊巴上沿途的景
色十分優美，有許多如童話故事般的小屋，好像到了童話世界一樣。難怪導遊話哈利波特某些電影場景都喺蘇格蘭拍攝呢！之後到了第一站Wallace Monument。Wallace Monument在山坡上，要行十多分鐘斜路先到。

拍了照片就去睇著名的Highland Cow。唔好睇牠好似傻傻地甘，原來好惡架，一行近就會用牠隻角撞人。。。搞到我地個個狼狽大叫！！！

之後又到了Three sister mountain、Fort William等，睇左又行左好多小山，之後就回到Highland的Youth Hostel休息了。

第二天的Highland Tour到了一個湖，湖的形狀
跟Scotland十分相似，好得意。。。

之後到了一個在湖中的堡壘-Eilean Donan Castle。我們給了入場費入內參觀，可惜不能到堡頂，有點兒失望呢。。。接着到著名的尼斯湖，尼斯湖為英國最大的淡水湖，以水怪聞名。我們參加了Cruise Loch Ness，水怪就見唔到，反而船上有一個工作人員戴着水怪帽行來行去，好騎呢。。。

一小時的遊湖之旅很快就完成，跟着到了Wooded Hill和一些山丘，之後就送我地回愛丁堡，兩日一夜的Highland Tour就這樣結束了。總括來說，Highland tour可以有機會見到好多在別處看不到的景色，雖然後來看來看去也是山和草，實在有點悶，但整個旅程都算很難得。。。
第四日，也是最後一日在蘇格蘭了，首先到了Edinburgh Castle-愛丁堡。愛丁堡果然名不虛傳，真係一個很大的堡壘，雄據整個山頭，在山頂上還望到愛丁堡全貌。。。

逛完愛丁堡就分頭活動，我和幾個同學去了shopping買手信，狂買蘇格蘭著名的頸巾、餅乾、羊肝等，之後又匆匆行了
Museum of Scotland和相連的Royal Museum，很快就到了黄昏，拿着一袋兩袋的戰利品搭上回倫敦的火車，四日三夜的Scotland之旅就結束了。。。

2003 衝出亞洲 - 英國30日暑假語文團 ~ 倫敦週邊篇

係呢一個月的英國之旅中，逢星期六日不用上堂，我地就會週圍去玩，通常會day trip到倫敦的近郊玩一日，夜晚就回到倫敦，近郊地方和倫敦無論環境和感覺都好唔同。。。
第一個星期六，我地join左school tour去咗一個英國小鎮 Rochester。搭旅遊巴去Rochester途中先到一個English Village的Pub度吃breakfast，只有一杯英式紅茶和餅乾，好英國style，不過我都係鐘意港式飲茶多啲，哈哈！Pub度的最深印象唔係杯茶，而且裡面有個似碧咸的靚仔Bar Tender。。。呢間就係pub門口，唔知個bar tender仲有沒係度做呢？哈哈。。。

經過個多小時的車程，終於到達Rochester。Rochester係一個典型的Ancient Town，充滿小鎮風情，和倫敦的繁華完全不同。去Rochester好似回到以前的英國咁，中間係石地板，兩旁係矮小的建築物，感覺好relax。。。我地去咗Rochester Cathedral、Charles Dickens Centre和Rochester最出名的Ruined Castle。Ruined Castle 在一個小山上，所以要行一段上坡路先到，可以俾錢上Castle睇，但我覺得頗貴，所以只在外面影幾張到此一遊相就算啦！不過上咗Castle的幾位同學話好值得，可以望到成個Rochester的view，有的後悔沒上去添。。。行行影影，好快就到黄昏，要搭上歸途了。。。

星期日，我地join咗school tour去Greenwich格林威治。我地搭無人駕駛列車去到Greenwich，首先出發去上山時經過Queen's House。

之後梗係去最出名的Royal Observatory Greenwich啦！Greenwich為時間開始的地方，有一個世上最準的時鐘，它有一個博物館介紹Greenwich的歴史，而且有一條時間開始線，分開東半球和南半球，線上仲有各國的時間，找來找去，終於找到香港啦！！！

睇完時間線，去咗Greenwich的公園，行咗一陣，要回Greenwich站。途中經過一間專舉行重大宴會的restaurant，裡面的天花板畫左的好靚的油畫。

之後又經過一隻大船，原來Greenwich以前航海業非常發達，呢隻在市中心的大船就係見證着Greenwich的歷史。行行下就到咗Greenwich站，搭番火車回倫敦了。。。

第二個星期六，我地又join左school tour去Bath。Bath係其中一個我覺得非常值得去的城市，我地好早出發，經過三個多小時，旅遊巴終於抵達Bath啦。第一站當然先到最出名的Roman Baths-羅馬浴池，雖然入場費都幾貴，但一場來到，梗要去睇睇！一入到去，個浴池真係超大超宏偉，啲池水好得意係綠色，仲係熱架！另外仲有個博物館解釋浴池的歷史，可惜沒乜時間，匆匆行一圈後，就要出發到下一景點了！

接着到Bath的草地picnic lunch，草地後面的building十分出名，包含了許多不同風格的建築。但對於唔係讀建築的我，真係完全睇唔到有何特別？

Lunch之後到左Pride and Prejudice 作者Jane Justin博物館和Bath Abbey，然後又要搭三小時巴士回倫敦了。旅遊巴途中經過十分出名的巨石陣，由於沒得落車，只好匆匆在車上拍了一張。。。

星期日，我地group人自己去咗Cambridge，感受一下英國最高學府的文化氣息。英國的大學真係超大，一間劍橋竟然佔左一個劍橋城！第一站先到咗最出名的King's College，估唔到的係原來每一個college入場都要收費，有貴有平，搞到大學好似旅遊觀光點咁，我覺得有的怪lor。。。祖國的大學在呢方面似乎好啲，至少上年去清華大學都沒收入場費呀！問左King's College要收成5英鎊，好貴呀，每個遊客收幾鎊，佢咪好好賺？？？因為太貴，所以沒入到King's College，在門口拍幾張相就走人啦！

之後在劍橋周圍行下，因入場費較平(一英鎊only)，入咗以景色優美聞名的Queen's College。College內有教堂、garden等，仲有一條Wooden Bridge，Bridge下就係著名的康河啦！

行左一陣就離開Queen's College，去咗不用入場費的Pembroke College和Fitzwilliam Museum。接着就到每個遊客都會玩的康河遊船Punting啦！由於慳錢，所以沒請靚仔船伕，幾個同學自告奮勇去划。事實證明這是一項十分驚險的活動，好難去控制船的方向。。。見到附近不斷有船翻倒和有人落水，實在很難有徐自摩[再別康橋]的意境。。。幸好有驚無險一小時，終於拖着疲乏的身軀回到倫敦了。。。

2007年5月19日星期六

2003 衝出亞洲 - 英國30日暑假語文團 ~ 倫敦篇

因琦子爸爸最愛一大棚人去旅行，加上琦子媽媽不愛坐飛機，所以一直以來都是跟團到東南亞地方外遊。在2003年的大二暑假，我終於衝出亞洲，報了由書院辦的暑假語文交流團，首次踏足歐國大地，成為了我其中一次十分難忘的旅遊經歷。。。
其實去到呢個語文團都算一波三折。我地個書院在大學中算係沒乜活動搞，所以呢個暑假倫敦語文團一向好受歡迎，要去好多語文桌先夠分去。原本我只夠分去北京語文團，點知剛好SARS爆發，好多人退團，我先可以補上。但SARS陰影下，許多大學限制香港人暑期入讀等，差啲個團去唔成。。。幸好到七月終於confirm成行，我地全團二十幾個學生終於可以如期出發，倫敦，I am coming！
老實說，這次語文團到的大學-西敏寺大學(University of Westminister)實在名不經傳，不過因書院津貼一半學費和住宿費，沒得揀都算啦，哈哈！西敏寺大學共有四個暑期英文班，我揀左Business English，全團得四個人揀呢班，其他全部揀晒Cultural Engligh，初時都有啲擔心沒朋友一起上堂，估唔到反而有驚喜，容後再談。。。個Summer English Course為期一個月，逢星期一至五由上午9點到12點上堂，下午大學安排好多free trip帶我地班學生周圍玩，另外星期六日又有trip去倫敦週邊。我地日日上午上堂，下午就到處去玩，去左倫敦好多地方，有好多難忘又得意的經歷，雖然隔左幾年，諗番都好開心呀！！！
在去倫敦之前我們入左一個兩日一夜夏令營，算係認識下啲團友。雖然有friend一齊去，都要識多啲人，話晒之後一個月朝夕相處就係呢班團友啦！之後一直忙返暑期工，一直唔太得閒去睇啲旅遊資料，今次決定做跟尾人，出外靠朋友嘛。。。在6月28日晚，我終於坐上到倫敦的班機，衝出亞洲啦！！！為左貪平，我地坐阿聯酋航空先坐十個鐘到杜拜，再坐八個鐘先到倫敦，我從未試過坐咁耐機，之前都有啲擔心。原來身為睡寶寶的我的確唔係浪得虛名，由上機瞓到落機，係吃飯時醒左，話咁快就到倫敦。。。之後都唔駛擔心坐長途機辛苦啦。。。
去旅行無非係食住玩，住方面，我地住在Victoria Station附近的宿舍，每天要搭2個MTR站到Oxford Circus Station先到大學，有的唔方便。不過宿舍附近好清淨，而且都OK乾淨，我住單人房，雖然要share廁所，但房內有自己洗手盤，起碼可在房內刷牙洗面，哈哈！食方面，由於英國的消費實在高昂，一個焗薯餐都要接近100港幣，我地呢啲貧苦學生，只可間中出去食飯，平時梗係充份利用宿舍資源-廚房自己煮食啦，對於連煮公仔麵都唔識的我，又係出外靠朋友的時間。。。仲記得我地group人日日去宿舍附近間Supermarket Salisbury買嘢煮，好笑係後來幾個買手仲同個華藉收銀姐姐混熟左，每晚趁8點就關門的大减價買嘢，試過買到1英磅的烤雞，超平！而且仲記得一向不喜吃麵包的我，日日早午餐都係火腿三文治。。。仲有那些煮到一pat pat的意粉，雖然係朋友的努力結果，但真的有點兒難以入口，都係吃公仔麵算啦！！！
玩方面，有時跟學校free tour，有時自己去玩，去左好多地方。。。記得第一日下課就走去唐人街吃旺記，原來態度又唔係好差者，有啲失望添；又去過Trafalgar Square爬石獅子，運動白痴的我好辛苦之餘又要朋友幫手先爬到上去；參加tour Royal London，去咗Palace of King Henry 睇Horse Guard換班，經過白金漢宮、St James Park、Big Ben等；参加tour The River Thames Walk，去咗泰晤士河、London Bridge、Tower Bridge；參加tour The London of Charles Dickens，去咗the dicken's house 和dickens紀念像；在大英博物館睇到唔願走，好多好valuable的文物；參加tour去咗露天劇場睇Richard III，又想去睇下Opera，趁近開場去唐人街買平飛，點知沒歌聲魅影，只好去睇孤星淚，事實證明完全唔啱我，一來聽唔明，而且只可以話悶到；自己group人去下House of Parliment、London Eye；參加tour Primrose Hill，去左Regent's Park、Primrose Hill、Camden Market；参加tour Financial London，去咗Royal Exchange、Stock Exchange；和雅典娜一時興起尋找摘星之旅，兩個去左Notting Hill、肯辛頓公園、海德公園；去左著名的market Covent Garden，睇咗好多得意的街頭表演；自己一人勇闖哈利波特魔法學校，去咗King Cross Station；去咗酒吧街飲蘋果啤酒；參加tour去咗Central Criminal Court，有機會聽到聽審過程。所有tour都好好玩！！！
我地班Summer Course得我地4個香港人，反而有機會識左許多其他國家的同學，大家都好融洽，我地班仲係last week時在宿舍搞左個大食會dinner，雖然大部份已經沒聯絡，但都有2個日本朋友keep到friendship，次次去日本都會抽時間見面！！！
英國之旅見識到和亞洲不同的環境，又識左一班朋友，仲記得我地班團友日夕相處，一齊在宿舍吃飯吹水，夜晚又在房傾計，雖然現在各有各忙，少咗見面，不過每次gathering都有說不完的話題，好開心！而且現在返左工，仲邊有假可以去玩一個月咁奢侈呀！所以我地班團友每次傾計都話呢個trip真係好難忘！！！
倫敦的地標-Tower Bridge