2017年5月7日星期日

2016 西地中海遊輪+冰島

第一次坐Royal Caribbean的船,仲要係落地幾個月的新船Harmony of the Seas,果然好大好新,房亦算夠大,不過我呢程係full晒,6千幾個乘客,人太多,缺點亦係食野時浮晒出來...自助餐每個時段都人山人海,簡直一位難求,dinner我揀左my time dining,亦早早係網上book晒位,但係都要等半個鐘到,如果沒book位條龍更加長到飛起!另外試左兩晚收費餐廳,完全唔掂,唔駛試!

不過RCL係娛樂方面的確係強項,好多野玩,係架船度根本唔會悶,仲有夢工場公仔,幾個大show亦不錯,每晚都玩到好夜先瞓^o^而且值得一讚係雖然人多,上落船好快好順,安排得幾好!

1) Show

呢架船我覺得娛樂方面的確好出色,節目又大型又好睇,而且又多元化,呢d係細船沒辦法可比的。首先講下佢有4個大show,每個show大概有2-3場,一定要提早預訂,尤其係Grease,唔係真係有機會沒位(除非肯企足成個鐘除外):

Grease
呢架船的主打大show,係Royal theater上演,有三層樓,全長個半鐘,參考百老匯音樂劇的standard。個show真係有幾多演員,場景ok,而且d歌好聽,人又唱得好,雖然我唔太識d歌,都唔會覺得悶,謝幕時大家仲企晒起身拍掌!值得一提係我覺得個半鐘的長度對我呢d唔太了解musical既人其實幾好,時間太長一定會悶親...

Columbus, Musical
呢個係RCL的自製音樂劇,都係Royal theater上演,全長50mins。可能係自製關係,明顯比Grease差幾皮,無論歌和演員都沒甘好,個story都幾悶,除左道具有隻真船,同埋ending幾surprise外,其他野都比較普通...

The Fine Line
呢個show highly recommended,好好睇!係6樓船尾的Aqua theater上演,全長45mins。其實係一個跳水表演,個台好似水舞間甘可以陸地變水池,有跳水,空中飛人,水中舞蹈等,佢用盡晒個戶外theater做左好多高難度動作,有d位真係估佢唔到,very good!

1887: A journey in time
又係另一個場景的show,係4樓的Studio B上演,全長45mins。呢個係不停轉換場景的花色溜冰表演,又夾左d小型魔術,花色幾多,場景又靚,連地板都會轉色,幾唔錯!

除左以上的大show,其他仲有d唱歌、跳水的細型show...今次RCL的show真係幾特別,可能架船大,多左唔同的theater,所以可以做多d不同類型的show,至少唔會其他船唔係歌舞就係魔術,亦睇得出有諗頭,值得俾讚!不過有樣野唔知點解,之前上其他郵輪睇show或者睇musical,一向都係不准錄影拍攝,不過RCL每一個show都有好多人公然攞住相機手機錄video,係RCL俾錄影or執行得唔嚴就唔知啦...

2016 巴黎+北歐極光

2015年5月17日星期日

2014 加勒比海遊輪之旅

又到每年一度的長線,因為上年試過Disney Cruise太好玩,所以2014年揀左新船Disney Fantasy遊加勒比海8日7夜,仲要有3日Sea Day,可以慢慢歎!加上14年Universal新開左Harry Potter的新area 斜角巷,作為樂園fans,梗係第一時間要試!

已經玩過兩次,又沒乜新野,今次沒玩Disney,基本上係Orlando只留一晚。不過岩岩撞正black Friday,樣樣都好平,係Outlet買到唔願走!

第二日book車直奔Port Canaveral,今次book Coco beach Shuttle,好準時,不過因為shared shuttle,等下人都要個幾鐘先到。見到Disney Fantasy,果然係姊妹船,同上年Disney Dream外型一模一樣!Disney Fantasy,作為Disney Cruise的第四艘遊輪,有好多新設施,基本上就係一個移動的迪士尼。今次都係住露台房,Disney的房係遊輪來講算係大,最好係廁所和沖涼房分開,方便好多!Dinner分兩個session,食既係3 course dinner,味道我覺得好ok,當然唔可以同星星餐廳比,不過我覺得比好多餐廳好食!玩的地方,雖然有3日sea day,係船上永遠唔會悶,有好多好多的activities等住,cooking lesson、yoga、cycling,各適其適...最好玩的當然唔少得Disney cruise獨有的Aqua Duck!還繞成個甲板的海上過山車,快一陣又會慢d俾你睇下海上風景,十個好玩!!!


 
而且disney cruise比其他cruise正的地方,係有好多disney公仔可以影相,有d衫仲係cruise限定,disney fans最開心!仲有每晚有show睇,有三晚仲係broadway show,我覺得fantasy的show比dream好睇,淨係aladdin 個show都值回票價!當A whole new world響起,大家都好興奮!除左main theater的show,disney仲有好多甲板主題show,sail away party和see you real soon的farewell party之外,仲有christmas party,同埋得加勒比航線有既的海盜之夜,大人細路齊齊扮海盜,成個甲板氣氛熱烈,加埋海上放煙花,好正!此外,cruise會有disney的未上畫3D電影,上年係frozen,這次係big hero 6,仲會播好多次^o^
 

今次行東加勒比海,老實講port adventure沒特別,都係d沒乜野睇陽光小島,不過聖胡安都值得一遊,話晒係世界文化遺產,望海的保壘都叫有d特色!



當然最正係上disney的private island Castaway Cay啦!唔計形形式式的水上活動,淨係個海已經好清好靚,水又淺,美中不足係一條魚都沒...島上仲有bbq,基本上玩下hea下就一日了!
 
 Disney落船後,即刻到universal studio新開的斜角巷遊覽,人好多好多,要讚一句detail位做得好正,真係好似倫敦街景,king cross station就係連接另一個樂園The Wizarding World of Harry Potter的Hogwarts Express ,不過我幾年前玩過,而且依家大阪又有,今次沒時間玩啦!黎得斜角巷,最期待的當然係最新的大ride - Harry Potter and the Escape from Gringotts!門口就係Gringotts Bank入面,harry potter場景重現,經過銀行櫃位,仲要搭電梯,就到左坐車的地方啦!坐上好似mummy的過山車,跟住harry potter和佛地魔開戰,一個又一個的場面,場景好真實又靚,好好玩!不過刺激度就不及另外個game Harry Potter and the Forbidden Journey,總之係各有各好玩!
 
  
 
 
 
玩完Orlando之後飛番紐約玩兩日,陪人玩下d大路景點,自由神像、華爾街、世貿、帝國大廈,之後到第五大道和時代廣場shopping,十幾日行程就完滿結束了! 

自從兩年前初試就愛上了郵輪旅行,唔駛搬酒店就可以跟住架船到好多沿海地方,係遊輪度好舒服,又多野玩多野食,比陸地旅行relax好多,下一站Disney Magic!

2013 重遊奧蘭多+迪士尼遊輪























2013 西地中海遊輪初體驗

呢一年的長線旅行好特別,就係第一次嘗試真正的遊輪旅行,亦係因為呢次令到我地愛上左遊輪,原來甘既旅行方式好岩我地,又舒服又好玩,之後每次長線都成日心思思想玩遊輪呢!

講到遊輪,呢次之前我淨係n年前好細個時試過麗星郵輪的獅子星號和雙魚星號,我仲記得當時已經覺得架船好大好靚,泊係海運碼頭好好巨型,依家先知原來以遊輪黎講只係好細隻^^決定要試一下遊輪旅行,首先當然要選船公司,我即刻做下research,排除左一d好formal的遊輪,淨番的不外乎NCL、RCL、Carnival呢d,之後又發現仲有好多遊輪仍然行緊定時進餐制,即係晚餐分main和second兩個時段,揀左就每晚都要呢個時段食飯,而且通常係大枱,要和人搭枱傾計...可能好多人坐遊輪就係鐘意呢d交流,不過唔係我杯茶,所以終於揀左NCL,因為佢係行free dining制,任何時候自由入座,而且大部分都係small table,可以靜靜地吃餐飯!仲有一樣好特別的係佢沒formal night,旅行梗係唔想帶甘多野,飲衫唔駛帶,yeah!

事實證明我的決定係正確的,我地對NCL呢間公司和架船都好滿意,成功令到我地愛上左遊輪!題外話,我一直有keep住睇cruise critic呢個遊輪forum,NCL係裡面的評價唔算好,不過正如某遊輪老手講,沒有最好的船,只有最適合自己的船,可能坐慣遊輪的人鐘意有formal night、有正式的主餐廳,偏偏我地唔like,所以找到岩自己的就可以了^^

選定左船公司,就要揀航線,一睇先知花多眼亂,原來甘多port可以由海上抵達!首先排除左美國的航線,太多sea day對我地第一次玩遊輪的人會比較悶,之後都係決定揀番遊輪新手好適合的西地中海航線,呢條航線唔單止port intensive,只有一日sea day,仲要個個port都係靚景點,算係其中一個黃金航線!NCL行西地中海的係NCL Epic,當時仲係世界第三大遊輪,有成15萬噸,2010年先下水,算係新船,所以之前幾個月都好期待!!!

由於怕飛機delay影響上船,特意早一日到巴塞隆拿,第二日玩左個上午就搭的士直奔遊輪碼頭,好快係天橋度已經見到NCL Epic啦!之前係blog睇過好多次,但係親身見到真係好興奮,架船果然好大,個震撼感簡直難以形容!第一次係唔同d,之後搭多左遊輪就沒呢d震撼感啦!NCL Epic,作為NCL其中一艘旗艦遊輪,有好多新設施,特別的就係甲板上除左泳池和按摩池,仲有三條大滑水梯,有一條仲係好似長隆水上樂園個大喇叭,好好玩!第一次住好d,當然試下露台房,間房流線型設計,係比較細小,不過麻雀雖小,五臟俱全,廁所和企缸分開,好方便!免費Dinner有兩間餐廳,雖然free dining,不過好少時間要等位,食既係3 course dinner,味道普普通通,不過經歷過自由行和跟團歐洲的無啖好食,已經覺得好ok了!玩的地方,只有一日sea day,架船好大,行上行落都要時間,free time都係玩水多,食下hea下就一日!

仲有得睇免費的Blue Man Group show,呢個show係Las Vegas要過100美金,依家免費,梗係要睇!不過呢d美式幽默我唔識欣賞,幾個藍色的人係度做埋d無聊野,好悶...反而有個Legends in Concert係d人扮外國歌星,扮Adele個好似,唱chasing pavements仲好好聽!另外有一晚唱Beatles,我就唔太識了...另外俾錢睇左個馬戲show,個show普通左d,都沒長隆馬戲甘好睇,早知唔加錢!太多野做啦,都沒時間玩下d cooking or gym lesson,真係要講一句,遊輪係好忙架^^


西地中海線都係d經典的port,第一個port到左Naples,一出車站就有好多shuttle公司到龐貝古城,求其揀一間上車la!唔駛半個鐘就到,留兩個幾鐘。成個古城好大,行極都仲有!匆匆行左幾個重要景點,就夠鐘集合lu!Naples碼頭好近市區,上番遊輪食個lunch,又落船行下拿玻里新堡和市區先!仲有呢個port的碼頭沒遮沒擋,可以清楚睇晒成隻船,所以要影船一定要係呢個port!


第二個port停Civitavecchia,碼頭有free shuttle到市區,之後行一陣就到火車站!其實之前到個梵帝岡,今次主要想上圓頂!搭左差唔多一個鐘到梵帝岡,竟然撞正教宗出巡!人山人海,不過可以第一次親身見到教宗,好感動!人實在太多,只好先行左聖天使橋和萬神殿,下午先返來!人潮岩岩散左,圓頂條龍難得地少人,即刻排!搭lift之後仲要轉左好多唔同的樓梯,行到氣咳,終於到左圓頂,見到條鎖匙啦!好開心!


第三個port到我好期待的佛羅倫斯啦!今次跟遊輪tour可以一次過到Pisa和Florence,而且遊輪tour有個好處,唔駛驚遲到上唔到船!匆匆係Pisa停留一個鐘,個個都要扮下托塔post,就會到tour重點的Florence!

一到達佛羅倫斯已經好開心!我係衝上雲霄super fans,十年前睇左衝上已經好想好想好想到Florence一遊,因為當年真係拍得太靚太浪漫,估唔到竟然要衝二都拍左先黎到!Florence有4個幾鐘自由時間,集散地點係聖十字教堂,好方便!落車即刻行小路上米高安哲羅廣場,原來真係好近,15分鐘就到啦!終於踏足到Sam哥同阿Belle定情一吻的地方,好興奮好興奮!仲見到Belle做野個間餐廳,可惜沒時間坐低慢慢食...影左好多相,都要帶住依依不捨的心情落山,經過老橋,行下聖母百花大教堂、領主廣場,慢慢感受呢個充滿住衝上雲霄氣息的地方,而且佛羅倫斯呢個city真係好靚,周圍散發住藝術氣息,難怪係文藝復興的發源地,我真係好想再黎啊!



第四個port係馬賽,遊輪有俾錢的shuttle車到市區!先搭小火車上聖母院教堂,然後就行下馬賽港,老佛爺百貨,仲買左好多手工番梘!

第五個port係帕爾馬,又係搭遊輪shuttle出市區!行下帕爾馬大教堂,再係city度隨意行下,見到超市,當然睇下有沒好野!買左黑毛豬午餐肉,平過香港好多!

上船前到左聖家堂,我到過好多歐洲教堂,都不得不讚歎真係好靚,好特別!尤其內裡decoration好unique!落船係巴塞隆拿留左兩日,買左hop on hop off ticket,到左奎爾公園、魯營球場、奧林匹克運動場、米拉之家、巴特婁之家呢d大路景點,仲係蘭布拉大道食左好好味的海鮮拼盤,有大蟶子、mussels,加d香草調味,好正!之後臨上機前梗係要買黑毛豬!買左成隻脾,切到十幾包都係百幾蚊歐羅,好抵!其實未來之前一直聽人講巴塞隆拿治安好差,所以都好擔心,不過來到後真係扭轉晒d印象,巴塞隆拿係一個好靚的city,周圍都係藝術品,高第的建築好特別好得意,食物無論tapas和海鮮都好岩我地品味,成為左我其中一個好鐘意的歐洲city!





 
今次個trip第一次體驗左遊輪,真係好好玩,而且食好住好,又唔駛搬行李,仲慳番好多transport time,夜晚瞓覺時架船就帶我地到左第二度!遊輪唔係只係岩年紀大的人,我地都好鐘意呢種旅行模式,之後再坐多左幾次遊輪都好正,遊輪真係會上癮呢^o^