奧蘭多十一天夢想成真之旅 ~ Day 4 (上)

Day 4 Islands of Adventure

今日好興奮，係我其中一個好期待的orlando part，就係去探Harry Potter la！雖然唔係哈利迷，但都算係陪住我成長的一個character，movie又好睇，我仲有買佢前4集的原著ga！所以一早已決定要來一日Islands of Adventure玩la！

Orlando的Universal Studio分2個theme park，分別係傳統的universal和主要玩刺激野的Islands of Adventure！本來universal啱我地玩d，但Harry potter座落在Islands of Adventure內，又唔想買one day two park貴咁多又未必玩得晒，所以決定主攻Islands of Adventure la！反正已玩過大阪的universal，其他game留番下次去西岸個universal先玩la！

由於universal唔係在disney resort附近，所以沒shuttle bus搭，曾經研究過搭巴士，不過orlando的巴士好疏，在disney去universal要轉幾次車，好唔方便！又想早d去到，所以都係搭taxi la！之前一晚call左yellow cab，為了準時在8點開園時到達universal，book左7點半在酒店出發，搭taxi一條直路，約15mins就到la，果然係用錢買時間，搭巴士沒個半鐘都唔到呀！溫馨提示美國係小費國家，Taxi在跳錶上要加20%小費，total大約搭左US40！


Taxi停在universal外圍，經過universal的citywalk，有指示分開兩邊，今次見唔到地球的地標 (在universal個邊)，反而係一條好奇怪的柱！見到呢條柱，代表Islands of Adventure到la！之前睇blog都知自從Harry Potter個land開左後，人多左好多！今日一見果然係咁，我地一開門8點已到，但園內已經好多人！雖然知道有neighbourhood hotel有提早1hour入園，不過真係估唔到咁多人！最搞笑係一路行d area係沒人玩架，個個有志一同咁向住同一方向進發！

一路行都不斷見到路牌，所以唔驚蕩失路！


過左一條橋，見到霍格華茲城堡，終於到The Wizarding World of Harry Potter la！由入口行到個land都要成10幾mins，好遠！

見到Hogsmeade大門口，好興奮！變成了麻瓜一員，進入Harry Potter的世界la！Welcome to Hogwarts！！！

唔去活米村住，先去霍格華茲城堡，要去玩Harry Potter World中最受歡迎的game！

即刻去排Harry Potter and the Forbidden Journey，咁早都已經好多人排隊la！呢個game排幾耐都抵，簡直係成個trip的highlight！之前我都去過好多樂園，但都未玩過一個咁amazing的game！！！

成個game係在霍格華茲城堡內，雖然排隊要一個鐘，但都有好多Harry Potter的場景睇，都唔會悶呢！未入城堡前要寄低所有物品，locker頭1hour免費！有玩開機動遊戲都知，寄得locker既game刺激程度一定唔嘢少，都有d驚太刺激ga，但一場嚟到，驚都一定要玩ga la！放低行李就正式進入個game la，首先會經過學園的溫室，之後入到城堡就會有不同場景睇，例如校長室、會郁的畫等！之後會係balcony度見到哈利、榮恩和妙麗的投影，都唔得講過乜lu，只係見完主角就正式玩game la！

個game其實結合3D和真實場景，戴上似360度過山車的安全帶，坐上四人一排的飛天椅，跟住Harry Potter上天下海，飛來飛去，刺激得來超級好玩！其實個game的technic有d似我以前在Universal Studio Japan玩的Spiderman，但係高科技好多，3D場景時好似真係坐緊掃把飛翔於Harry Potter的世界，忽然又飛入真實的場景又有蜘蛛噴火龍等，結尾就係到球賽場地去睇魁地奇球賽！4分幾鐘完全沒悶場，雖然個椅飛得好勁仲有個位180度仰視，但場景吸引令你好似置身其中，忘記左d離心力，十個好玩！！！依家諗起都仲想玩呢！不過想玩呢個game一定要早去呀，我地玩完出來都係9點半，已經見到要排120mins la！個樂園已經人頭湧湧，另外2個game都係過山車沒乜興趣，去睇下活米村的場景la！

成個Harry Potter World的工作人員都係著住四個學院的校服，和他們影相仲會配合不同學院的style有不同的表情！

活米村內都係人山人海！！！


見到Three Broomsticks，係一間餐廳！

仲有Hogwarts express和Hogsmeade Station，d detail位做得好好，仲有埋Timetable and fares！不過就沒9又3/4月台，有埋仲正呀！

成個The Wizarding World of Harry Potter俾我的感覺好好，除左有個咁好玩的game，其他area都好努力營造在Harry Potter世界的氣氛，detail位又做得細緻，聽聞Orlando個Harry Potter World會擴建連接埋London和Hogwarts，係真就好喇！好期待！！！

奧蘭多十一天夢想成真之旅 ~ Day 3 (下)

玩完個Safari Tour2點幾，過去Asia區影下Animal Kingdom個招牌雪山la！呢個係仿喜馬拉雅山而建的雪山，裡面有個Animal Kingdom內最popular的attraction Expedition Everest過山車，仲有倒後行架！見到呢個disney最刺激的過山車，我地梗係唔敢玩，影相就算la！


差唔多3點，在Asia區霸位睇3點半巡遊la！

Animal Kingdom的巡遊算係disney幾個park中比較簡陋的一個，地理位置局限d巡遊路線兩旁好窄，霸位有d難，有d路兩旁只可以容納一排人！d公仔及花車大部份用人去抬起d花車，所以唔係d大型又靚的車！不過我都好欣賞佢地專登襯番Animal Kingdom的環保concept，所以用人去抬or踩花車而唔用電子花車！巡遊大概20mins，而且佢地好多花車都載左人，仲好似係遊客，唔知係未有得報名的呢？好得意！

 

睇完巡遊就去行Maharaja Jungle Trek，係行遊步道睇老虎，經過一d動物，仲有個蝙蝠屋，終於見到兩三隻老虎la！沒乜特別快快行完去玩lu！
 

Asia區另一個game Kali River Rapids係我好鍾意玩的激流，可能係冬天唔算多人，排10mins度就有得玩，我已經著晒雨褸，但又係和上次新加坡Universal玩Jurassic Park一樣咁黑仔，到衝落來時又係轉到我係後面落，條褲濕晒la=o=不過都好好玩！

之後番去Dinoland玩Animal Kingdom另一個好popular的game Dinosaur，好似日本disney sea個Indiana Jones咁，坐吉普車去探險！之前拿左fastpass所以排5mins就有得玩la！個theme都好好，係講有個科學家培養左d恐龍，帶我地去睇，點知後來架車不受控，驚險一輪後當然安全回到起點la！架車在黑暗中左穿右插，唔刺激得來好好玩，d場景整得幾靚，不過太短la，如果個game長d就仲好玩！

玩完Dinosaur就玩埋呢個area的其他game，恐龍版的小飛象Tricera Top Spin和小型過山車Primeval Whirl！Primeval Whirl係唔刺激的圓形過山車，都好好玩架！

差唔多6點幾，想玩的差唔多玩完，而且Animal Kingdom動物要瞓覺所以7點就會close，去downtown disney吃dinner lu！總括而言，Animal Kingdom在4個disney park度算係比較少野玩的樂園，不過我好鍾意佢大自然的concept而起左一個有真動物的theme park，好特別，好玩得來又有教育意義，very good！傳言orlando disney在遲d起嗰個阿凡達新land會座落於Animal Kingdom，咁就可以和其他disney park平起平坐la，十個期待呢！

由theme park去disney downtown係沒shuttle bus直達，要由park去任何一間酒店再轉車到downtown，所以去到downtown都7點幾lu！disney downtown係由3個part組成，有野食有野買，真係好大架！


Restaurant方面有很貴的table service餐廳，亦有幾間quick service的，我地今次主要去一間BLOG友介紹的Quick service餐廳Wolfgang Puck Express！平時quick service係快餐形式要自己拿食物，呢間餐廳特別於會有人serve你，自己counter叫完會有waiter拿食物，而且無論環境和食物都似一間正式餐廳，我地叫左烤雞、煎三文魚扒和肉丸意粉，賣相和味道都好好，甜品仲可以叫Creme Brulee，好好食！雖然係比平時的quick service貴d，每人要around US25，但係食物味道咁好，又坐得咁舒服，貴d都抵la！如果有quick service plan我真係建議黎呢度食一餐，比樂園和酒店的快餐都好食好多，係其中一間我high recommend的quick service餐廳！
 

食完飯都9點，唔行downtown住lu，要早d返酒店休息！聽日要暫別disney，大戰Harry Potter la！

奧蘭多十一天夢想成真之旅 ~ Day 3 (上)

Day 3 Animal Kingdom

今日全日玩另一個Park Animal Kingdom，今次又係全球獨有的disney park！一直都覺得disney係好amazing，竟然可以在theme park做出一個真實的動物園，而唔係人扮的公仔，idea好好！今日AK有magic hour 早上7am 到8am，不過尋晚玩到太夜，今日真係頂唔到咁早起身，7點先起身，搭完Shuttle bus到樂園都7:45am lu，enjoy唔到個magic hour。。。Animal Kingdom的聖誕樹係d非洲動物掛係樹度！

到Animal Kingdom門口，唔算太多人，good！早起的鳥兒有蟲吃，都係朝早入樂園著數好多，人又少d， game又唔駛點排，一到11點以後就越來越多人la！

入到樂園影完個地標生命之樹，即刻去Africa區玩最popular個attraction Kilimanjaro Safaris la！Standby等10mins就可以坐吉普車入非洲動物園睇野生動物！

沿途見到有倒轉左的生命之樹！

行車中途有隻駝鳥走左出來，架車要停低等佢慢慢走左先可以再行，係AK度係動物大晒架，haha！隻駝鳥一d都唔驚人，好傲嬌咁行catwalk，好cute！

之前有好多人都話呢個動物tour好流好細，不過我反而好鍾意，特別欣賞佢係d detail位度做得好細緻！首先佢架車做得好似吉普車，d路整到高低不平，個司機兼導遊好投入，真係好似去緊越野探險甘！而且真係做到個非洲大草原出來，沿路就算沒乜人留意的路都整左好多指示路牌和分叉路，又要經過一條危險的橋，我覺得成個game的concept好好，又做得好認真，亦係我一直甘鍾意disney的原因！即刻拿多張fastpass下午再玩過！

睇完動物9點幾，行下隔離條exploration trail睇猩猩！

好鍾意呢句"We do not inherit the earth from our parents - we only borrow it from our children"！！！disney不忘教育下小朋友要愛護地球。

咁啱影到兩隻鹿kiss^^

經過左一d有小動物的屋仔，見到幾隻猩猩在山頭活動，好似KING KONG！！！


睇完真動物就要影下d人扮的動物la，之前睇blog知道Camp Minnie-Mickey係有著住打獵裝的Mickey、Minnie、Goofy和Donald，其他theme park係沒呢件衫，一早已鎖定要影晒4個公仔，點知因為christmas，只得Donald仍然著住打獵裝，其他全部換晒christmas衫，好失望！好彩見到我好鍾意的Chips&Dale，先開心番d！

Orlando的disney最長龍的永遠係和公仔影相，長過排隊玩attraction好多！和幾個公仔影完相已經11點幾，要去找Quick service的restaurant食lunch la！去到Dinoland U.S.A.的Restaurantosaurus，呢間餐廳要recommend一下，佢d set都係普通食物，炸蝦漢堡、炸雞等，但係特別的係佢有個自助counter可以自己拿配菜加入個飽度，有普通的生菜蕃茄青瓜，仲有好好味的炒蘑菇、薯仔絲等等，我地老實不客氣拿左好多配菜，yummy yummy！！！


食飽飽，Dinoland的game遲d先玩，去排隊和高飛布魯圖影相，之後再過Discovery Island，一次過可以和維尼、E哦和跳跳虎影相，最搞笑係影E哦個攝影師超慢，搞到條龍塞晒，維尼和跳跳虎沒嘢做，唯有跳舞娛賓！

影完相去玩另一個popular game 4D電影It's tough to be a bug，用蟲蟲特工隊的character，套4D沒悶場，結尾有驚喜，好好睇！呢個game係Animal Kingdom的recommend，一定要去睇！

睇完4D都2點，再去玩Kilimanjaro Safaris。可能下午d動物瞓飽左，比朝早d動物生猛好多，所以有時間的話最好上下午各玩一次，就可以睇多d動物。不過要記得拿fastpass，如果唔係下午玩要排成個鐘ga！