2012年5月8日星期二

奧蘭多十一天夢想成真之旅 ~ Day 5 (下)

巡遊準時開始啦!今次係Christmas period的特別巡遊,叫"Mickeys Once Upon a Christmastime Parade",成個巡遊以白色聖誕做主題,d character會著上聖誕衫,又有d飄雪呀、馬車等,因為christmas,壓軸由Mickey變左聖誕老人!總括來說,幾個樂園計巡遊一定係Magic Kingdom呢個最靚最有心思!!!









睇完巡遊,原來仲未玩過d game,首先去玩一個淨係得Orlando有的game Stitch's great escape,佢唔係香港個幸會史迪仔,係坐係個theater度,劇情講史迪仔走甩左,黑晒跟住史迪仔周圍走,最後緊係揾番la,個game無聊得來都幾得意!




之後fastpass夠鐘和公主影相,有3個公主ga!跟住再玩理Haunted Mansion、Winnie the Pooh和Peterpan's Flight,都係和其他disney差唔多!講開Winnie the Pooh,都係Tokyo嗰個無軌轉轉蜜糖車最好玩,Orlando呢個和香港好似,都係跟住條路軌,佈景和香港都大同小異!




玩完天黑啦,去另一間Quick Service Resturant Columia Harbour House食dinner,呢間餐廳有三文魚扒飯和炸煆薯條,仲有蘋果批做甜品,味道very good呀!一致決定之後要再encore!


食完dinner近近地玩理個Jungle Cruise,係傳統版本,香港個有噴火有洪水正d!之後又要霸位睇9pm夜間巡遊!估唔到夜間比日間更多人,早成個鍾都沒晒靚位,即刻求其都霸番個位!夜晚呢個Disney's Electrical Parade和Tokyo個parade都好似,都係好靚!尤其發光燈車入面有好多disney的character,very good呢!







巡遊後差唔多煙花時間,可惜今次企錯位,有棵大樹遮住左,所以唔係太睇到,好失望!唯有在第二日入場時睇番啦!



夜晚着左燈的城堡好靚,睇完煙花都10點幾,雖然magic hour可以玩到半夜2點,不過好累要早d返hotel休息,明天要玩好特別的L

奧蘭多十一天夢想成真之旅 ~ Day 5 (上)

Day 5 Magic Kingdom

如果有去過世界上任何一個disney,一見到幅相就知我地今日係去最最最傳統的disneyworld Magic Kingdom 啦!!!基本上每個disney一定有Magic Kingdom,門口會係個火車站,樂園內一定有disney的signature城堡,let the memories begin!!!

由於之前都去過日本和香港的disney好多次,d game都係大同小異,昨日又玩到好夜,所以瞓晚少少,到10點幾先出門口。Pop century resort和Magic Kingdom距離最遠,都要搭20mins shuttle先到。一去到見到熟悉的地標,好開心呀!果然係Magic Kingdom,好似入左個童話國度甘,完全滿足每個女仔都有個的公主夢想!

可能已經遲過開門時間好多,唔駛排隊就入到場,不過樂園內已經人頭湧湧啦!



一入去有Town Square,入面可以和米奇米妮仲有公主影相,趁唔係好多人,攞張公主影相fast pass,之後排隊和米奇米妮影相先,around 30 mins就排到隊,快過香港disney!


Town Square theater連排隊等影相的客廳都整得好靚。。。



和Mickey and Minnie影完相就開始Magic Kingdom之旅la!第一站當然係小鎮大街啦,基本上每個disney的小鎮大街都大同小異,當然Orlando呢個長過香港條街既。。。接近聖誕節,成條小鎮大街都掛滿聖誕的佈置,仲有棵好大的聖誕樹,好靚呀!!!




小鎮大街之後緊係Magic Kingdom的地標城堡啦!!!Orlando Magic Kingdom和Tokyo Disney一樣係灰姑娘城堡,個城堡係特別高和靚ga!



因為遲入場所以行一陣就肚餓la,入去Fantasyland間Quick Service Restaurant - Pinocchio Village Haus食lunch先!果然係Fantasyland,連間Quick Service都甘靚。食左炸雞長通粉,d炸雞又係比較鞋,都係HK KFC 好食好多!



食完lunch見到岩岩做緊Christmas period的特別小巡遊,都睇左一陣!



跟住就去城堡霸位睇1:15pm的其中一個户外大show - Dream Along with Mickey!個show出動晒所有disney的character,除左米奇美妮唐老鴨和高飛四個主角,仲有白雪公主、灰姑娘、小飛俠等,成個show除左歌舞仲有故事性,最初唐老鴨唔信夢,經過重重考驗,又一齊打敗海盜,最後緊係一齊相信啦!個show around 20mins沒悶場,d character好得意識眨眼ga!其中唐老鴨最搞笑,寸寸貢甘成日話"I don't believe in dreams!!!",最後大家一齊嗌"Dreams come true!!!" ,仲放左幾下煙花,好開心!








睇完個good show,又差唔多時間要霸位睇3pm的巡遊la!Magic Kingdom個巡遊特別多人,一個鐘前已經好多人啦!好彩都霸到城堡前的靚位!

奧蘭多十一天夢想成真之旅 ~ Day 4 (下)

睇完The Wizarding World of Harry Potter內活米村的building,就入去d shop行下順便shopping!!!Shop裡面有好多Harry Potter的野賣,有魔法袍、魔法杖、掃把等等,不過件件都好貴呢!



呢間Shop永遠大排長龍,睇Blog介紹係有一個揀魔法杖的表演,睇條龍起碼要排1 hour,所以沒入去,反正賣嘅野其他地方都有!




每間鋪頭都人山人海!


仲有Harry Potter內的怪味糖,真係有好多口味,不過我都唔敢買,驚d味好難食,哈哈!




行到10點半就依依不捨甘離開Harry Potter World,要去其他d area玩下la!I will be back^o^




沿途經過Jurassic Park,有好似滑浪飛船咁的attraction,呢個game N年前係大阪個環球影城玩過,依家年紀大左,咁刺激的game唔敢玩la,哈哈!



去到Seuss Landing,呢個playland全部係小兒科的game,最啱我地玩!



玩左個高卡火車,沿住呢個playland一圈,仲可以離遠望下其他playland,好舒服,可以當來休息一下!




之後又玩左The Cat In the Hat,呢個係一個室內ride,呢樣係disney的強項,論故事論detail universal呢d實沒得比架la,不過他都好得意甘加左d好勁的旋轉位,都幾得意呀!玩完見木馬唔算多人排,即刻玩埋佢!



雖然個land全部係小兒科的野,但係都好多人,每個game最少要排半個鐘,所以玩完呢3個game,影下相,食完個quick lunch,就轉戰另一個playland la!

到另一個area The Lost Continent,呢個area唔係太多game玩,不過佢有一個attraction叫Poseidon's Fury,其實之前唔知玩乜,見到其他universal沒呢個attraction,排around 30 mins,就玩下呢個game la!點知有surprise wor,個game好好玩!佢其實係帶我地一班人入一個破廟度探險,入到去有把聲話好危險,就由個guide帶我地逃走出去!Total有3個場景,有1條水隧道幾靚,最後惡戰個場面都幾大,又火又水,估唔到咁detail咁靚!呢個game值得一玩呀!





之後再去Marvel super Hero island呢個playland,不過全部都係刺激野,有過山車、跳樓機,完全唔啱我地玩!本來想玩Spiderman,不過要排1 hour,又見之前在大阪玩過,所以排隊和Spiderman影相算la!

因為plan左去行街,所以around 3點就離開Islands of Adventure la!Islands of Adventure唔算太多game玩,而且好多刺激野,所以大半日其實都夠玩。佢game係沒disney咁多,不過Harry Potter World實在太靚太好玩,我都好想再去玩呢!

行街街第一站係搭車到Florida Mall,在Universal有巴士Lynx 42可以直到Florida Mall,第一次在Orlando搭巴士都好順利,而且都ok唔算好雜!搭左成半個鐘先到呢個號稱全Orlando最大的shopping mall,剩係百貨公司都有6間咁多,勁大呀!時間緊迫,唯有target目標的shop,主力睇disney store和埋A&F,呢間disney store有好多sales items,都有少少收穫!A&F完全沒sales就好貴la!行左個幾鐘,要轉戰第二站la!

在Florida Mall又係搭Lynx巴士,唔駛半個鐘就到第二站Premium Outlet International Drive la!已經5點半,又係要找緊時間睇心頭好!原來美國的Premium Outlet真係好平,Coach既手袋雖然和專門店的款有d唔同,但都算ok,而且平得好緊要,50%off再30%off再extra10%off (outlet的special sale wor),令到我大出血!!!之前睇blog話Coach的shop全部都係中國人買野,但我去I drive呢個outlet都見好多美國人買袋,可能真係好平la!另外Victoria Secret、Juicy Couture、Gap、Columbia、Disney store都好平,反而nike、adidas呢d就沒乜特價!!!行到8點幾先走,滿載而歸la!

搭番Lynx巴士在總站轉第二架巴士回disney downtown,夜晚個轉車站黑漆漆都幾驚架!好彩同時都有幾個華人女仔一齊等同一架巴士,人多d就沒咁驚呢!呢日巴士好準時到,唔係等好耐就順利返去disney downtown lu!

返到downtown成9點幾,去另一個quick service restaurant 食dinner!呢間餐廳叫Cookes of Dublin,個環境好正,坐outdoor的枱,出面隔條行人路就係湖邊,好似蘭桂坊d 餐廳咁樣,十個舒服!食物全部都係炸物,不過有炸蝦、炸帶子和Fish and Chips,個炸帶子好好味!





食飽飽都10點幾,不過都行左一陣downtown,睇下間Lego Shop,搞到11點先搭shuttle返酒店!明天又回歸disney la!

2012年4月1日星期日

奧蘭多十一天夢想成真之旅 ~ Day 4 (上)

Day 4 Islands of Adventure

今日好興奮,係我其中一個好期待的orlando part,就係去探Harry Potter la!雖然唔係哈利迷,但都算係陪住我成長的一個character,movie又好睇,我仲有買佢前4集的原著ga!所以一早已決定要來一日Islands of Adventure玩la!

Orlando的Universal Studio分2個theme park,分別係傳統的universal和主要玩刺激野的Islands of Adventure!本來universal啱我地玩d,但Harry potter座落在Islands of Adventure內,又唔想買one day two park貴咁多又未必玩得晒,所以決定主攻Islands of Adventure la!反正已玩過大阪的universal,其他game留番下次去西岸個universal先玩la!

由於universal唔係在disney resort附近,所以沒shuttle bus搭,曾經研究過搭巴士,不過orlando的巴士好疏,在disney去universal要轉幾次車,好唔方便!又想早d去到,所以都係搭taxi la!之前一晚call左yellow cab,為了準時在8點開園時到達universal,book左7點半在酒店出發,搭taxi一條直路,約15mins就到la,果然係用錢買時間,搭巴士沒個半鐘都唔到呀!溫馨提示美國係小費國家,Taxi在跳錶上要加20%小費,total大約搭左US40!


Taxi停在universal外圍,經過universal的citywalk,有指示分開兩邊,今次見唔到地球的地標 (在universal個邊),反而係一條好奇怪的柱!見到呢條柱,代表Islands of Adventure到la!之前睇blog都知自從Harry Potter個land開左後,人多左好多!今日一見果然係咁,我地一開門8點已到,但園內已經好多人!雖然知道有neighbourhood hotel有提早1hour入園,不過真係估唔到咁多人!最搞笑係一路行d area係沒人玩架,個個有志一同咁向住同一方向進發!



一路行都不斷見到路牌,所以唔驚蕩失路!


過左一條橋,見到霍格華茲城堡,終於到The Wizarding World of Harry Potter la!由入口行到個land都要成10幾mins,好遠!



見到Hogsmeade大門口,好興奮!變成了麻瓜一員,進入Harry Potter的世界la!Welcome to Hogwarts!!!



唔去活米村住,先去霍格華茲城堡,要去玩Harry Potter World中最受歡迎的game!



即刻去排Harry Potter and the Forbidden Journey,咁早都已經好多人排隊la!呢個game排幾耐都抵,簡直係成個trip的highlight!之前我都去過好多樂園,但都未玩過一個咁amazing的game!!!



成個game係在霍格華茲城堡內,雖然排隊要一個鐘,但都有好多Harry Potter的場景睇,都唔會悶呢!未入城堡前要寄低所有物品,locker頭1hour免費!有玩開機動遊戲都知,寄得locker既game刺激程度一定唔嘢少,都有d驚太刺激ga,但一場嚟到,驚都一定要玩ga la!放低行李就正式進入個game la,首先會經過學園的溫室,之後入到城堡就會有不同場景睇,例如校長室、會郁的畫等!之後會係balcony度見到哈利、榮恩和妙麗的投影,都唔得講過乜lu,只係見完主角就正式玩game la!





個game其實結合3D和真實場景,戴上似360度過山車的安全帶,坐上四人一排的飛天椅,跟住Harry Potter上天下海,飛來飛去,刺激得來超級好玩!其實個game的technic有d似我以前在Universal Studio Japan玩的Spiderman,但係高科技好多,3D場景時好似真係坐緊掃把飛翔於Harry Potter的世界,忽然又飛入真實的場景又有蜘蛛噴火龍等,結尾就係到球賽場地去睇魁地奇球賽!4分幾鐘完全沒悶場,雖然個椅飛得好勁仲有個位180度仰視,但場景吸引令你好似置身其中,忘記左d離心力,十個好玩!!!依家諗起都仲想玩呢!不過想玩呢個game一定要早去呀,我地玩完出來都係9點半,已經見到要排120mins la!個樂園已經人頭湧湧,另外2個game都係過山車沒乜興趣,去睇下活米村的場景la!



成個Harry Potter World的工作人員都係著住四個學院的校服,和他們影相仲會配合不同學院的style有不同的表情!


活米村內都係人山人海!!!


見到Three Broomsticks,係一間餐廳!



仲有Hogwarts express和Hogsmeade Station,d detail位做得好好,仲有埋Timetable and fares!不過就沒9又3/4月台,有埋仲正呀!




成個The Wizarding World of Harry Potter俾我的感覺好好,除左有個咁好玩的game,其他area都好努力營造在Harry Potter世界的氣氛,detail位又做得細緻,聽聞Orlando個Harry Potter World會擴建連接埋London和Hogwarts,係真就好喇!好期待!!!