今次係disney留左3日，作為第一個disneyland，比起Orlando個disney係細左好多，得兩個playland！不過carsland的Radiator Springs Racers真係好好玩，好detail，game的technology有d似Orlando的test track，不過場景靚好多，真係扮到好似大峽谷飛馳，好正！另外Luigi's Flying Tires 都好搞笑，要用身體控制個車胎點郁，係升級版的碰碰車，成日控制唔到，玩到我地哈哈笑！
玩左disney就搭Luxbus (算係頭等巴士，坐得好舒服)由disney area直接到Las Vegas！成日聽人講LV有幾靚幾豪華，終於親身踏足，第一個感覺係，原來靚過澳門！果然係五光十色的拉斯維加斯，周圍都係好大好光的燈牌，而且係不夜城，半夜1點幾條strip仲有好多人！到左2個outlet掃貨，參觀左幾間好似澳門的酒店，睇左幾個普通的免費show (最好睇係Treasure Island Hotel的Pirate show)，2日好快就過，連自助餐都沒時間食！下次要住夠一星期！最深印象係住的酒店，四星半的酒店，50幾樓，有廳有房，仲係strip度，都唔駛港幣1000一晚，簡直平靚正！好過歐洲好多！
到Las Vegas，當然唔少得到大峽谷Grand Canyon啦！好多人會即日來回west rim，不過我一早已經鎖定要到風景比較宏偉、規劃較好的south rim。考慮到south rim較遠 (單程要5小時車程)，normal的即日來回團好趕，而且想睇日出日落，所以比多左幾多的tour fee係大峽谷內酒店住左一晚，雖然住的只係lodge (其實一d都唔平)，不過我覺得好值。。。可以慢慢係大峽谷玩兩日，谷內又有shuttle bus到各個景點，係唔同的point睇大峽谷景色，感受不同的面貌，第二日仲試行左一小段落山谷的trail，好特別的體驗！
返左Los Angeles後，係redondo beach住左一晚，類似香港的海鮮大排檔，揀中磅左就放入大蒸籠蒸熟，好新鮮！lunch和dinner都係海鮮，食左好好味的美國游水大肉蟹，蠔和魷魚都抵食，其他海鮮就比較普通！不過吹住海風食海鮮，別有一番風味^o^
到洛杉機，當然要到下d大路景點，影下hollywood個牌，行下星光大道、文氏劇院、奧斯卡會場，之後就緊係到Universal Studio玩啦！加州呢個和其他地方的game都算大同小異，比較特別的係真係片場，所以有片場巡遊！裡面好玩的係King Kong令架車搖動，其他大部分睇場景就比較悶。仲玩左新開的transformer，係spiderman的升級版，動畫靚左好多，我玩左幾次！仲見到大黃蜂影相添！
今次西岸個trip有一樣好深印象的就條熊貓餐廳，簡直係玩到邊都見到！上次Orlando食左好多西餐，大大舊肉麻麻地岩食，今次竟然有中式的熊貓餐廳，仲係正常的兩餸飯，好岩食！食左好多餐。。。
今次玩左西岸disney，我只係爭Paris個disney就完成全世界Disney的夢想la^o^
沒有留言:
發佈留言